Tashkent qalası ishki isler sistemasındaǵı tergewshi hám sorastırıwshılardıń jumısında sapa joq ekenligi kórsetip ótildi. Máselen, xızmetkerlerde mamanlıq jetispegenligi ushın ótken jılı 833 jaǵday boyınsha jınayat isi qozǵatılmay, esaptan jasırılǵan.
“Qalada jınayatshılıq 2 mıńǵa azaytıldı” dep esabat berilgenine qaramastan paytaxttaǵı 26 máhálle “qızıl”, 465 i “sarı” kategoriyada qalǵan.
Respublikadaǵı 208 rayon ishinde CHilanzar shańaraqlıq zorlıq, tonawshılıq, biyzarılıq boyınsha, Yunusabad basqınshılıq boyınsha birinshi orında. Yamasa ótken jılı Yashnabad hám Mirabadta adam óltiriwshilik, Almazarda dene jaraqatı, Shayxantahurda tonawshılıq jaǵdayları eń kóp bolǵan.
Sonıń ushın, jaqında usı rayonlar ishki isler baslıqlarınıń barlıǵı jańadan qoyıldı. Olar baslama kóterip, aymaǵında jınayatshılıqtı jılawlaw boyınsha keskin ózgeris islewi kerek ekenligi kórsetip ótildi.
Jınayatlardı ashıw hám aldın alıw ornına Tashkent qalası IIBB baslıǵı R.Sultonxwjaev, Tashkent qalası prokurorı wazıypasın atqarıwshı. A.Wrmonov tek ǵana mikroavtobusta qala aylanıw menen bánt ekeni sınǵa alındı.
Atap ótilgenindey, olar 12 rayon hákimi, ishki isler baslıǵı, prokurorı, “máhálle jetiligi” hám jámiyetshilik penen awızbirshilikte islese, 7,5 mıń jınayattıń aldın alıw múmkin edi.
R.Sultanxwjaev hám A.Wrmonovqa “sógis” berilip, altı aylıq sınaq múddeti tayınlanatuǵını belgilendi.
Prezident Shavkat Mirziyoevtiń basshılıǵında mámleketlik hám jámiyetlik qáwipsizlikke tikkeley qáwip tuwdırıp atırǵan shólkemlesken jınayatshılıq, narkojınayatshılıq, kiberjınayatlar hám jasırın ekonomika boyınsha tásirsheń ilajlardı belgilew boyınsha videoselektor májilisi dawam etpekte.

ÓzA