Prezident Shavkat Mirziyoevtiń basshılıǵında mámleketlik hám jámiyetlik qáwipsizlikke tikkeley qáwip tuwdırıp atırǵan shólkemlesken jınayatshılıq, narkojınayatshılıq, kiberjınayatlar hám jasırın ekonomika boyınsha tásirsheń ilajlardı belgilew boyınsha videoselektor májilisi sın kózqarasta baslandı.
– Bul mashqalalardıń hár biri óz aldına qáwipli. Biraq olardıń birgelikte háreket etip atırǵanı jáne de úlken qáwipti júzege keltiredi, – dedi Prezidentimiz.
Májilis Tashkent qalasında ótip atırǵanı biykarǵa emes. Sońǵı toǵız jılda paytaxttıń turaqlı xalqı 1 millionǵa kóbeydi, transport quralları 2 esege artıp, 800 mıńǵa jetti. Kúnine jáne 1 million adam keledi, 350 mıń transport kirip-shıǵadı.
42 mektep, 426 baqsha, derlik 36 million kvadrat metr sawda obekti hám 145 mıń kvartiralı turaq jay qurıldı. Paytaxt ekonomikası 367 trillion sumnan, onıń jan basına jıllıq kólemi bolsa 116 million sumnan arttı.
Yaǵnıy Tashkent qalası tek ǵana ministrlikler jaylasqan hákimshilik aymaq emes, al respublikanıń ekonomikalıq, sociallıq hám mádeniy orayı sıpatındaǵı ornın jáne de bekkemledi. Bir sóz benen aytqanda, paytaxtta ekonomikalıq rawajlanıw dárejesi sezilerli arttı.
Qaysı jerde turmıs sapası jaqsılansa, dáramat kóbeyse, sol jerde “ańsat pul tabıw” háreketinde bolǵan jınayıy strukturalar da jedellesedi. Jınayattıń jańa usıl hám quralları da, bárinen burın, usı jerde payda boladı.

ÓzA