Milliy gvardiya Qaraqalpaqstan Respublikası boyınsha basqarmasında áskeriy okrugke qaraslı áskeriy bólim hám mákemelerde múddetli áskeriy xızmetti ótep atırǵan áskerler Joqarı oqıw orınlarına jeńilletilgen túrde kiriw imkaniyatın beretuǵın usınısnamalardı qolǵa kirgiziw maqsetinde test sınaqlarında qatnaspaqta.
Atap aytqanda, Joqarı bilimlendiriw, ilim hám innovaciyalar ministrligi janındaǵı Bilim hám mamanlıqlardı bahalaw agentliginiń qánigeleri tárepinen test sınaqları áskerlerdiń bilim hám tayarlıq dárejesin qalıs bahalaw maqsetinde shólkemlestirildi.
Test processleri dawamında múddetli áskeriy xızmetkerlerdiń jawıngerlik hám ruwxıy-aǵartıwshılıq tayarlıǵı, sonday-aq, matematika hám fizika pánleri boyınsha bilimleri jáne logikalıq pikirlew kónlikpeleri sınaqtan ótkerildi.
Hár jılı óz xızmet wazıypasın hújdanlı orınlaǵan, jawıngerlik hám ruwxıy-aǵartıwshılıq tayarlıqta múnásip nátiyjelerge erisken, sonday-aq, test sınaqlarında joqarı kórsetkishlerdi kórsetken múddetli áskeriy xızmetkerlerge joqarı bilimlendiriw mákemelerine oqıwǵa kiriwde qosımsha jeńillik beretuǵın usınısnamalar beriletuǵının atap ótiw kerek. Bul imkaniyat jas áskerlerdiń bilimge bolǵan umtılısın jáne de kúsheytip, olardıń keleshektegi kásiplik hám jeke rawajlanıwı ushın bekkem tiykar jaratpaqta.

Qaraqalpaqstan xabar agentligi.