Ózbekstan toqımashılıq hám moda sanaatınıń dúnya bazarında básekige shıdamlılıǵın arttırıw, joqarı maman kadrlar tayarlaw hám eksport potencialın kúsheytiw jolında jedel reformalar alıp barmaqta.

Sonday-aq, xalıqaralıq birge islesiw baylanısların keńeytiw nátiyjesinde milliy toqımashılıq sanaatın zamanagóy standartlar hám texnologiyalar menen úylestiriw úlken áhmiyetke iye.

Búgingi kúnde bul baǵdarda Germaniyanıń “Gesamtmasche” associaciyası menen birge islesiw jańa basqıshqa kóterilmekte. Bul bolsa tarawdaǵı innovaciya hám maman kadrlar tayarlaw processlerine unamlı tásir etedi.

“Óztoqımashılıqsanaat” associaciyası hám Germaniyanıń “Gesamtmasche” shólkemi wákilleri menen ótkerilgen gezektegi ushırasıwda 2023-2025-jıllarda birgelikte ámelge asırılǵan “GUZ Partners” joybarı sheńberinde erisilgen jetiskenlikler hám joybardıń keyingi basqıshında ámelge asırılıwı kerek bolǵan wazıypalar dodalandı.

Atap ótilgenindey, “GUZ Partners” joybarı sheńberinde 2023-2025-jıllarda 25 oqıw seminarı, 8 qánigelestirilgen ilaj ótkerilip, 2 mıńnan aslam taraw qánigesiniń mamanlıǵı arttırılǵan.

Bul joybar elimiz toqımashılıq sanaatında maman kadrlar tayarlaw, Ózbekstan toqımashılıq sanaatınıń imidjin jáne eksport potencialın bunnan bılay da arttırıwǵa xızmet etedi.

Ushırasıw juwmaǵında tárepler aldaǵı rejelerdi belgilep aldı.

Nasiba ZIYoDULLAEVA,
ÓzAnıń xabarshısı