AQShtı qamtıp alǵan Arktika suwıqları: 1 millionnan artıq adam elektrsiz qaldı
26-yanvar kúni dúnyada bir qatar waqıyalar júz berdi: Filippin qublasında parom shógip, keminde 15 adam qaytıs boldı, 28 adam biydárek joǵalǵan; AQShta qısqı boran 1 millionnan aslam adamdı elektrsiz qaldırdı, 11 mıńnan aslam reysler biykar etildi; Avstraliyada rekord dárejede ıssı tolqın baqlanbaqta, Donald Tramp bolsa Kanada-Qıtay sawda kelisimi boyınsha qáwip penen shıqtı.

Filippin qublasında parom apatshılıǵı
Filippin qublasında MV Trisha Kerstin 3 jolawshı kemesi shóktiriledi. Keminde 15 adam qaytıs boldı, 28 adam biydárek joǵalǵan. 316 jolawshı hám ekipaj aǵzası qutqarılǵan. Izlew-qutqarıw jumısları dawam etpekte. Tınısh qalǵanlar Izabela portına jetkerilip, medicinalıq járdem almaqta.
AQShtı qamtıp alǵan Arktika suwıqları
AQShtıń keń aymaǵın qısqı boran qamtıp aldı. Qalıń qar, muzlaǵan jawın hám -50°S temperatura sebepli qubladaǵı 1 millionnan aslam xalıq elektrsiz qaldı, keminde 12 shtatta ayrıqsha jaǵday járiyalandı. 11 mıńnan aslam aviakompaniya reysleri biykar etildi. Rásmiyler xalıqtı úyde qalıwǵa shaqırmaqta.
Yaponiya bas ministriniń qollap-quwatlawı tómenledi
Sorawǵa bola, Yaponiya bas ministri Sanae Takaichi húkimetiniń maqullaw reytingi dekabrdegi 75 procentten 67 procentke tústi. 26 procent respondent húkimet jumısın qollap-quwatlamaytuǵının aytqan. Bas ministr 8-fevralda múddetinen aldın saylawlar ótkeriletuǵının járiyalaǵan edi, bul finans bazarlarında qáweter oyatqan edi.
Tunis jaǵaları janındaǵı emigrantlardıń apatshılıǵı
Jer Orta teńizinde Tunis jaǵaları janında emigrantlardı alıp baratırgan qayıq shókti. Bir adam qutqarılǵan, shama menen 50 adam qaytıs bolǵan bolıwı múmkin. Qutqarılǵan erkek teńizde 24 saat jalǵız qalǵanın ayttı. Hádiyse kúshli jawın hám qolaysız hawa-rayı sharayatında júz bergen.
Germaniya altın rezervlerin qaytarıwdı dodalamaqta
Germaniyanıń jetekshi ekonomistleri AQShta saqlanıp atırǵan 1,2 mıń tonna altın rezerviniń bir bólegin mámleket aymaǵına qaytarıwdı usınıs etpekte. Bul finanslıq qáwipsizlik hám suveren qarar qabıl etiw imkaniyatların bekkemlewge qaratılǵan. Berlin házirshe qarar járiyalamadı.
Avstraliyada ıssılıq tolqını
Avstraliyada kúshli ıssı tolqın baqlanbaqta: ayırım aymaqlarda temperatura 45-48°S qa shekem kóteriliwi kútilmekte. Qubla Avstraliya hám Viktoriya shtatlarında qáwip joqarı, “Avstraliya kúni” paradı hám shıraqlar shousı biykar etildi. Órt qáwpi artıp, evakuaciya ilajları kórilmekte. Rásmiyler xalıqtı úyde qalıwǵa shaqırmaqta.
Tramp Kanadaǵa qáwip saldı
AQSh prezidenti Donald Tramp Kanada hám Qıtay arasında dúziliwi múmkin bolǵan sawda kelisimine bola Qıtayǵa 100 procentlik bajı engiziw menen qáwip saldı. Aldınıraq Kanada hám Qıtay ayırım ónimler boyınsha bajılardı azaytıw boyınsha kelisimge erisken edi. Tramp Qıtaydı Kanadanı “tiriley jeydi” dep táriyipledi.

Nozimbek Mardonov, Yoqub Meliboev (video )ÓzA