“Haj” hám “Umra”ǵa barıw ushın endi birden-bir portal arqalı dizimnen ótiw májbúriy etip belgilendi.
“Haj” hám “Umra” ilajların shólkemlestiriw sistemasın sanlastırıw hám jetilistiriwge qaratılǵan Ózbekstan Respublikası Ministrler Kabinetiniń (2026-jıl 24-yanvar. 27-san) qararı qabıl etildi.
Usı hújjet penen respublikamızda “Haj hám Umra birden-bir portalı” iske qosıldı. Endi muqaddes zıyaratqa barıw tileginde bolǵan puqaralar ushın usı portal arqalı dizimnen ótiw májbúriy etip belgilendi.
Qararǵa muwapıq, jańa tártip tómendegi múddetlerden baslap kúshke kiredi:
2026-jıl 1-fevraldan baslap – “Haj” ilajına;
2026-jıl 1-maydan baslap – “Umra” ilajına barıw ushın portalda dizimnen ótiw shárt.
Zıyaratshılar haqqındaǵı maǵlıwmatlar portalǵa kirgizilmesten turıp saparlardı shólkemlestiriwge jol qoyılmaydı.

Qaraqalpaqstan xabar agentligi