Oliy Majlis Senatınıń Baslıǵı, Ózbekstan velosport federaciyasınıń baslıǵı Tanzila Norboeva Aziya velosport konfederaciyasınıń jańadan saylanǵan prezidenti Dato Amarjit Singx penen ushırastı.
Ushırasıwda Ózbekstan velosport federaciyası hám Aziya velosport konfederaciyası arasındaǵı birge islesiwdi jáne de keńeytiw máseleleri dodalandı.
Sóylesiw waqtında mámleketimizde velosport mámleketlik siyasat dárejesinde qollap-quwatlanıp atırǵanı, zamanagóy infrastruktura jaratılǵanı hám sportshılardıń xalıqaralıq maydandaǵı nátiyjeleri izbe-iz ósip atırǵanı atap ótildi.
Atap aytqanda, milliy hám paravelosport saylandı komandalarınıń Olimpiya oyınları hám jáhán jarıslarındaǵı qatnasıwı mámlekettiń joqarı potencialın kórsetip atırǵanı atap ótildi.
Tárepler Birge islesiw haqqındaǵı kelisimge qol qoydı. Kelisim sheńberinde Ózbekstanda regionallıq oqıw-shınıǵıw orayın shólkemlestiriw, xalıqaralıq jarıslardı Konfederaciya kalendarında keńeytiw, qánigeler tayarlaw boyınsha birgeliktegi baǵdarlamalardı ámelge asırıw, sonday-aq, hayal-qızlar hám paravelosporttı qollap-quwatlaw boyınsha ámelge asırılıp atırǵan jumıslardı jedellestiriwge kelisip alındı.

ÓzA