Berdaq atındaǵı Qaraqalpaq mámleketlik universitetinde Ózbekstan Respublikası Prezidenti Shavkat Mirziyoevtiń Oliy Majlis hám xalqımızǵa Múrájatı hám “Ózbekstan – 2030” strategiyasında belgilengen tiykarǵı wazıypalardıń áhmiyetin keń jámiyetshilikke tereńnen túsindiriwge baǵıshlanǵan aǵartıwshılıq ushırasıw bolıp ótti.
Ótkerilgen ilaj mámleketimiz basshısı tárepinen alǵa qoyılǵan reformalar, sociallıq-ekonomikalıq rawajlanıw baǵdarları, insan qádiri, jaslar siyasatı, ruwxıy-aǵartıwshılıq tarawdaǵı áhmiyetli wazıypalardı máhálle turǵınları, professor-oqıtıwshılar, tyutorlar hám jámiyetshilik wákilleri arasında keńnen úgit-násiyatlaw maqsetinde shólkemlestirildi.
Ushırasıwda Qaraqalpaqstan Respublikası Ministrler Keńesi Baslıǵınıń jámiyetlik hám diniy shólkemler menen baylanıslar boyınsha orınbasarı Alisher Allaniyazov, Qaraqalpaqstan Respublikası musılmanları qazıyatı qazısı Baxramaddin Razov, Ózbekstan máhálleleri assosaciyası Qaraqalpaqstan Respublikası basqarması baslıǵınıń orınbasarı Asqar Primbetov, Qaraqalpaqstan Respublikası Jaslar isleri agentligi baslıǵınıń orınbasarı Maxset Tursınov hám basqalar shıǵıp sóylep, mámleketimiz Prezidentiniń Múrájatında belgilengen tiykarǵı baǵdarlar – bilimlendiriwdiń sapasın arttırıw, ilim hám innovaciyalardı rawajlandırıw, jaslardı hár tárepleme qollap-quwatlaw, bántlikti támiyinlew, sociallıq ádillik hám nızam ústinligin bekkemlew máseleleri hár tárepleme sáwlelengenin, “Ózbekstan – 2030” strategiyasında belgilengen uzaq múddetli maqsetler elimizdi rawajlanǵan, básekige shıdamlı hám xalıqtıń abadanlıǵın támiyinleytuǵın mámleketke aylandırıwǵa xızmet etetuǵının atap ótti.
Ilaj dawamında qatnasıwshılar tárepinen bayanatshılarǵa sorawlar berip, olarǵa tiyisli juwaplar aldı.

Qaraqalpaqstan xabar agentligi