Prezident Shavkat Mirziyoevtiń basshılıǵında kámbaǵallıqtı qısqartıw hám xalıqtıń bántligin támiyinlew boyınsha 2026-jıldaǵı tiykarǵı wazıypalar boyınsha videoselektor májilisi bolıp ótpekte.
Prezidentimiz jumıssızlıq hám kámbaǵallıqtı qısqartıw ushın máhállelerdiń qánigelesiwin tereńlestiriw zárúrligin atap ótti.
Tereń qánigelesken máhállede turmıs abadanlıǵı biraz joqarı, sociallıq járdem alıwshılar da 2 esege az.
Búgingi kúnde 903 “awır” máhállede 100 mıń gektar qıytaq jer hám ijara jerleri bar. Eger hákimler “jetilik” penen suw támiynatın jaqsılap, tuqım- nál jetkerip, qánigelesiwdi sistemalı jolǵa qoysa, ol jerdegi adamlardıń dáramatında, turmıs sharayatında keskin ózgeris islew múmkin ekenligi atap ótildi.
Máselen, Nishan rayonındaǵı Aqaltın máhállesine nasos penen suw shıǵarılǵanı ushın 25 jıl qıytaq jerine egin ekpegen 280 shańaraq 50-60 million sum dáramat ala basladı. Bunı islegen máhálle xalqı búgin ishki jollardıń jaǵdayın jaqsılawdı sorap atır. Mámleketimiz basshısı erteń-aq buǵan 1,5 milliard sum ajıratıwdı tapsırdı.
– Márhamat, jáne qaysı máhálle baslıǵı ózi bas bolıp, xalıqtıń kónlikpesine qarap, aymaqtı qánigelestirse, shańaraqlardıń dáramatın 3-4 esege arttırsa, jol, suw, suwǵarıw tarmaǵın jaqsılaw ushın jáne 2 milliard sumnan ajıratıwǵa tayarman.
Bul mámleket hám máhálle arasında jańa, ózine tán “sociallıq shártnama” sisteması boladı, – dedi Prezidentimiz.

ÓzA