Prezident Shavkat Mirziyoevtiń basshılıǵında kámbaǵallıqtı qısqartıw hám xalıqtıń bántligin támiyinlew boyınsha 2026-jıldaǵı tiykarǵı wazıypalar boyınsha videoselektor májilisi bolıp ótpekte.
Aymaqlardıń bas rejesin islep shıǵıw ushın Franciya, Ullı Britaniya, Ispaniya, Túrkiyadan qánigeler alıp kelinbekte.
Biraq ózimizdegi 18 joqarı oqıw ornında arxitektura baǵdarında jılına 7 mıńǵa shamalas qánige tayarlanbaqta.
Hákimler pitkeriwshi studentlerdi 903 “awır” máhálleniń bas rejesine tartıp, olardı sırt elli qánigege biriktirse, bul jaslarımız ushın kásiplik ámeliyat hám tájiriybe mektebi bolatuǵını atap ótildi.
Studentler arasında máhálleniń bas rejesin islep shıǵıw boyınsha tańlaw járiyalanadı.
Bunday máhállelerge jańasha kórinis alıp keletuǵın eń zor joybarlardı islep shıqqan studentler toparına 100 million sumnan sıylıq beriledi.
Bul arqalı zamanagóy jas arxitektor hám urbanistler korpusı qáliplestiriletuǵını atap ótildi.

ÓzA