Prezidentimiz qolda bar imkaniyatlardı iske qosıw boyınsha hákimler hám “máhálle jetiligi”ne metodikalıq bilim hám tájiriybe jetispey atırǵanın, juwapker ministrlikler hám uyımlar bolsa olarǵa járdemlespey atırǵanın kórsetip ótti.
– Hákimler esitip alsın: bul qarjılar infrastrukturanı jaqsılaw arqalı kámbaǵallıq hám jumıssızlıqtı 2 esege qısqartıwǵa xızmet etiwi shárt.
Usı rayon hákimleri xalqına múrájat etedi. Qaysı máhállede neshe adamdı jumıslı etip, qansha shańaraqtı kámbaǵallıqtan shıǵarıwın máhálle-máhálle júrip túsindiredi.
Sonsha qarjı bergennen keyin rayon hákimi xalıqtıń aldında juwapkershilikti alıp, juwap bersin. Hákimliktiń jumısına xalıqtıń ózi baha bersin, – dedi mámleketimiz basshısı.
Endi aymaqlardı sanaat, awıl xojalıǵı hám servistegi “salıstırmalı ústinligi”nen kelip shıǵıp rawajlandırıw zárúr ekenligi atap ótildi.
Mámleketimiz basshısı bul sistemanı Furqat hám Diyqanabad rayonları mısalında túsindirip berdi.
Ekonomika hám qarjı ministrligi, Kámbaǵallıqtı qısqartıw hám bántlik ministrligine 70 rayon hám 1 mıń “awır” máhálleniń “salıstırmalı ústinligin” tallap, jumıs ornı hám dáramatın kóbeytiwge túrtki beretuǵın infrastruktura joybarları boyınsha óz aldına baǵdarlama islep shıǵıw hám qarjılandırıwdı baslaw tapsırıldı.
Hár bir rayonda 5-10 máhálleni baylanıstıratuǵın 1-2 gektarlıq sanaat zonaları hám klasterler shólkemlestirilip, 100 mıń adam ushın jumıs orınları jaratılatuǵını belgilendi.

ÓzA