Prezident Shavkat Mirziyoevtiń basshılıǵında kámbaǵallıqtı qısqartıw hám xalıqtıń bántligin támiyinlew boyınsha 2026-jıldaǵı tiykarǵı wazıypalar boyınsha videoselektor májilisi bolıp ótpekte.
Ótken bir jılda 366 mıń shańaraq kámbaǵallıqtan shıqqanı, xalıqtıń bántligin támiyinlew hám dáramatların arttırıw tarawında islengen ilajlar sebepli kámbaǵallıq dárejesi 8,9 procentten 5,8 procentke, jumıssızlıq bolsa 5,5 procentten 4,8 procentke tústi.
– Bulardıń barlıǵı – reformalarımızdıń nátiyjesi bolıp, mámleket hám xalıq arasındaǵı isenim barǵan sayın bekkemlenip atırǵanınan derek beredi.
Biraq ele isleytuǵın jumıslarımız kóp. Biz 2026-jıldı “Máhállelerdi rawajlandırıw hám jámiyetti ilgeriletiw jılı”, dep járiyalap, máhálleler infrastrukturasın jaqsılaw boyınsha úlken wazıypalardı belgilep aldıq.
Sebebi máhálle bul – reforma qay jerde islep atırǵanın da, qay jerde toqtap atırǵanın da anıq kórsetetuǵın orın. Máhállede jumıssız adam hám kámbaǵal shańaraq saqlanıp qalǵan bolsa, demek, reforma sol jerge jetip barmaǵan. “Jetilik” hám bankir adamlardıń mashqalasın sheshpey atırǵan bolsa, demek, bul jerde sistema islemey atır.
Hesh bir ministr, wálayat, rayon hákimi, bankir “jetilik”ti bánelewge haqısı joq. Imkaniyat hám qarjı bar, qarar hám baǵdarlama bar. Jetispey atırǵan nárse – juwapkershilik, jeke juwapkershilik, – dedi mámleketimiz basshısı.

ÓzA