Bul sıyırlar tárepinen ásbaptan sanalı túrde paydalanıw boyınsha dizimge alınǵan birinshi jaǵday. Iyesiniń atap ótiwinshe, sıyır derlik on jıldan berli arnawlı “qasıw tayaǵı”n izlep tabadı: denesin tayaqtıń ótkir ushı menen, arqasın bolsa keń jaǵı menen qasıydı.
Biologlardıń pikirinshe, bunday is-háreket sıyırlardıń intellekti aldın boljanǵanınan ádewir joqarı ekenliginen derek beredi.
Buǵan shekem ásbaplardan paydalanıw tek ǵana primatlar, piller, ǵarǵalar hám delfinler sıyaqlı joqarı intellektli haywanlarǵa tán dep esaplanǵan. Sıyırdıń tayaqtıń eki ushın eki túrli maqsette paydalanıwı onda “sebep hám aqıbet” baylanısın túsiniw qábiletine iye ekenligin kórsetedi.

Qaraqalpaqstan xabar agentligi