Senatqa “BMSh-hayal-qızlar” strukturasınıń Ózbekstandaǵı mámleketlik baǵdarlama menedjeri Zelixa Unaldi keldi.
Senat Baslıǵı Tanzila Norboeva menen ushırasıwda Ózbekstannıń “BMSh-hayal-qızlar” strukturası menen birge islesiwiniń búgingi jaǵdayı hám perspektivaları, sonday-aq, mámlekette gender teńlikti alǵa qoyıw hám hayal-qızlardıń huqıqları menen imkaniyatların keńeytiw boyınsha gezektegi ilajlar dodalandı.
Ózbekstan shańaraq institutın bekkemlew, hayal-qızlardı huqıqıy qorǵaw hám gender teńlikti támiyinlew máselelerine tiykarǵı áhmiyet qaratılıp atırǵanı atap ótildi.
Bul baǵdarda “Ózbekstan – 2030” strategiyası hám 2030-jılǵa shekem mólsherlengen Gender teńlikke erisiw milliy strategiyasın ámelge asırıw, normativlik-huqıqıy bazanı jetilistiriw, hayal-qızlardıń sociallıq-ekonomikalıq imkaniyatların keńeytiw, hár qanday kemsitiwlerge jol qoymawǵa ayrıqsha itibar qaratılmaqta.
Ushırasıwda 2026-jılı Ózbekstan basshılıq etip atırǵan Oraylıq Aziya mámleketleri jetekshi hayal-qızlarınıń sóylesiwin rawajlandırıw perspektivaları da dodalandı.
“Gender zorlıqqa qarsı 16 kúnlik jedel háreketler” kampaniyasınıń juwmaǵına baylanıslı usınıs hám baslamalar tiykarında keleshekte baǵdarlamalardı islep shıǵıw hám ámeliyatqa engiziw boyınsha da pikir alıstı.
Ushırasıw juwmaǵında tárepler birge islesiwdi bunnan bılay da bekkemlew, hayal-qızlardı qollap-quwatlaw hám gender teńlikti rawajlandırıwǵa qaratılǵan birgeliktegi baslamalardı ámelge asırıwǵa tayar ekenin bildirdi.

N.Abduraimova,
ÓzA