Tashkent qalasında Ózbekstan Respublikasınıń sırt eldegi diplomatiyalıq wákilxanalarınıń basshılarınıń qatnasıwında jaslar menen ushırasıw bolıp ótti.

Ózbekstan Respublikası Jaslar isleri agentligi hám Sırtqı isler ministrligi menen birgelikte shólkemlestirilgen ilajda 1500 oraylıq hám aymaqlıq studiyalardan jaslar qatnastı.
Ushırasıw dawamında jaslar óz pikir hám baslamaların bildirdi, soraw-juwap sessiyası arqalı xalıqaralıq birge islesiw hám diplomatiyalıq jumıs máseleleri dodalandı.
Bul ushırasıw jaslardıń sırtqı siyasat hám diplomatiyalıq jumısqa bolǵan qızıǵıwshılıǵın arttırıw, olardıń xalıqaralıq processler haqqındaǵı bilim hám kózqarasların keńeytiw, sonday-aq, jaslardıń pikir hám baslamaların tikkeley diplomatlar arqalı tıńlaw hám qollap-quwatlawǵa xızmet etti.
Ilaj jaslardı diplomatiyalıq jumısqa qızıqtırıw, jetekshilik hám qarım-qatnas kónlikpelerin rawajlandırıw jáne olardıń Ózbekstannıń xalıqaralıq maydandaǵı abırayın arttırıwdaǵı qatnasın kúsheytiwge qaratıldı.

Gulnoza Boboeva, Oybek Pardaev (suwret), ÓzA