Brand Finance dúnyanıń 2026-jıldaǵı eń qımbat brendleri reytingin járiyaladı.
Reytingti Apple basqarmaqta – texnologiyalar gigantı 607,6 mlrd dollarǵa bahalandı. “Apple brendi 6 procentke qımbatladı,” – delinedi Brand Finance esabatında.
Bunnan da joqarı qımbatlawǵa Microsoft eristi. Reytingte ekinshi orındı iyelegen kompaniya brendi 565,2 mlrdǵa bahalandı. Úshinshi orında – Google (433,1 mlrd dollar).
Keyingi orınlarda: Amazon (369,9 mlrd dollar) hám Nvidia (184,3 mlrd dollar). Brendler reytinginde ótken jılı toǵızınshı orındı iyelegen Nvidia eki ese qımbatlap, TikTok, Walmart, Samsung hám Facebookti artta qaldırdı.
Sonday-aq, analitikler YouTubetı dúnyadaǵı eń kúshli brend dep esapladı, WeChat (Qıtay) bul boyınsha ekinshi orında. “Kúshliler” reytinginde Google hám LEGOni quwıp ótken Microsoft úshinshi orındı iyeledi.
Eń qımbat brendlerdiń yarımınan kóbi AQSh kompaniyalarına tiyisli, 15 procenti – Qıtay, 5,6 procenti – Germaniya brendleri.

Qaraqalpaqstan xabar agentligi