2026-jıl 21-yanvardaǵı nızam menen “Málimlemelestiriw haqqında”ǵı nızamǵa qosımshalar hám ózgerisler kirgizildi.
Jasalma intellekt – insannıń bilim hám kónlikpelerine eliklew, óz betinshe úyreniw, sheshimlerdi izlew hám anıq wazıypalardı orınlawda insan intellektuallıq jumısınıń nátiyjeleri menen salıstırılatuǵın nátiyjelerdi alıw imkaniyatın beriwshi texnologiyalıq sheshimler kompleksi.
Nızamǵa bola, insannıń huqıqı hám erkinligine baylanıslı bolǵan yuridikalıq áhmiyetke iye qararlardı qabıl etiwde tek ǵana jasalma intellektten paydalanıp jaratılǵan texnologiyalar tiykarında isleytuǵın málimleme sistemalarınıń juwmaqlarına súyeniw múmkin emes.
Jasalma intellekt texnologiyalarınan paydalanǵan halda shaxsqa tiyisli maǵlıwmatlarǵa nızamǵa qayshı túrde islew beriw, olardı ǴXQ, telekommunikaciya tarmaqları yamasa Internet jáhán málimleme tarmaǵında tarqatıw – hákimshilik huqıqbuzarlıqtı islew quralların konfiskaciyalap, BEMniń 50 esesinen 100 esesine shekem (41 million 200 mıń sumǵa shekem) járiyma salıwǵa sebep bolıwı belgilendi.

N.Abduraimova, ÓzA