Eksternat tártibinde juwmaqlawshı mámleketlik attestaciyada qatnasıw ushın arzalar usı jıldıń 1-fevralınan qabıl etiledi. Bul haqqında Bilimlendiriw qadaǵalawı Telegram-kanalı maǵlıwmat berdi.
Onda aytılıwınsha, 2025-2026-oqıw jılında Eksternat tártibinde juwmaqlawshı mámleketlik attestaciya ótkeriletuǵın mektepler belgilengen.
Ministrler Kabinetiniń tiyisli qararı menen tastıyıqlanǵan Reglamentke muwapıq, Eksternat tártibinde juwmaqlawshı mámleketlik attestaciyada qatnasıw ushın arzalar:
• usı jıldıń 1-fevralınan 1-apreline shekem (sol kúni de) Birden-bir interaktiv mámleketlik xızmetler portalı «my.gov.uz» arqalı qabıl etiledi.
• 9-klass ushın – tiyisli jılda 17 jasqa tolǵan;
• 11-klass ushın – 19 jasqa tolǵan hám onnan úlken jastaǵı májbúriy ulıwma orta bilimlendiriwge tartılmaǵan puqaralar arza beriwi múmkin.
Arza beriw ushın mektep yamasa ministrliktiń aymaqlıq bólimlerine barıw shárt emes. Bul mámleketlik xızmet biypul ámelge asırıladı.
Maǵlıwmat ushın, puqaralar házirde turaqlı (yamasa waqtınsha) jasap atırǵan aymaqtaǵı eksternat mektepke onlayn arza jiberiwi múmkin.

Qaraqalaqpaqstan xabar agentligi