Ilimiy-ekologiyalıq taraw tábiyat hám jámiyet arasındaǵı teń salmaqlılıqtı saqlawǵa qaratılǵan áhmiyetli baǵdar bolıp esaplanadı. Ol qorshaǵan ortalıqtı qorǵaw, tábiyǵıy resurslardan aqılǵa uǵras paydalanıw hám ekologiyalıq mashqalalarǵa ilimiy sheshimler islep shıǵıwdı óz ishine aladı. Zamanagóy izertlewler arqalı ekologiyalıq turaqlılıqtı támiyinlew hám keleshek áwladlar ushın salamat ortalıq jaratıw bul tarawdıń tiykarǵı maqseti.

Ekologiya hám klimat ózgeriwi boyınsha milliy komiteti baslıǵı Aziz Abduhakimov Qıtay Ilimler akademiyasınıń Sinjon ekologiya hám geografiya institutınıń bas direktorı CHjan Yuanmin menen ushırasıw ótkerdi.

Sóylesiwler dawamında Oraylıq Aziya ekologiya hám qorshaǵan ortalıqtı izertlewler orayınıń keleshektegi jumısın qáliplestiriwge baylanıslı shólkemlestiriwshilik-huqıqıy hám strukturalıq máseleler, sonday-aq, ilimiy-ekologiyalıq tarawda eki tárepleme birge islesiw perspektivaları dodalandı. Sonday-aq, Oraydı shólkemlestiriwdiń múmkin bolǵan modelleri, onıń kadrlar potencialın basqıshpa-basqısh rawajlandırıw, sonıń ishinde, turaqlı hám joybar tiykarındaǵı lawazımlardı anıq shegaralaw, sonday-aq, keleshekte strukturanıń finanslıq turaqlılıǵın támiyinlew hám nátiyjeli jumıs alıp barıw mexanizmlerine ayrıqsha itibar qaratıldı.

Qıtay tárepi Oraydıń jumısın investiciyalıq qollap-quwatlaw boyınsha óz usınısların usındı. Atap aytqanda, joybardı qarjılandırıw sheńberinde Oraydı zamanagóy ilimiy hám laboratoriyalıq úskeneler menen támiyinlew máselesi kórip shıǵıldı. Óz gezeginde, Ózbekstan tárepi zárúr infrastrukturanı támiyinlew hám Oraydıń tolıq jumıs islewi ushın qolaylı sharayatlar jaratıw máselelerin kórip shıǵıwǵa tayar ekenin bildirdi.
Sonday-aq, Sinczyan ekologiya hám geografiya institutınıń 2026-jılǵa mólsherlengen jumıs baǵdarlaması tanıstırıldı. Bul hújjette Oraydı dizimnen ótkeriw, birge islesiw baylanısların rawajlandırıw, birgeliktegi ilimiy-izertlew joybarların ámelge asırıw, ilimiy potencialdı arttırıw, kadrlar tayarlaw boyınsha ilajlar názerde tutılǵan.

Muhayyo Toshqoraeva,
ÓzAnıń xabarshısı