Oliy Majlis Senatına Iordaniya Hoshimiyler Patshalıǵınıń Ózbekstandaǵı Ayrıqsha hám tolıq huqıqlı elshisi Demiya Zuxayr Haddod keldi.
Senat Baslıǵı Tanzila Norboeva menen ushırasıwda Ózbekstan hám Iordaniya arasındaǵı doslıq, óz-ara húrmet hám isenimge tiykarlanǵan qatnasıqlardı bunnan bılay da rawajlandırıw máseleleri dodalandı.
Keyingi jılları eki mámleket arasındaǵı birge islesiw izbe-iz rawajlanıp, siyasiy, ekonomikalıq, mádeniy-gumanitarlıq hám parlamentleraralıq baylanıslar bekkemlenip atırǵanı atap ótildi.
Parlamentleraralıq birge islesiwdi jedellestiriw máselelerine ayrıqsha itibar qaratıldı. Iordaniya parlamenti mámlekette ámelge asırılıp atırǵan reformalarda áhmiyetli orın iyeleydi. Ózbekstanda da Oliy Majlis mámleket hám jámiyettiń rawajlanıwına qaratılǵan reformalardı qollap-quwatlaw hám nızamshılıq jaqtan támiyinlewde belsene qatnasıp kelmekte.
Usı múnásibet penen parlamentler arasında sóylesiwdi keńeytiw, nızam dóretiwshiligi, parlamentlik qadaǵalaw hám basqa da tarawlarda tájiriybe almasıwdan mápdarlıq bildirildi.
2026-jıl 3-7-fevral kúnleri Iordaniya Hoshimiyler Patshalıǵı parlamenti Majlisi al-Áyan baslıǵı Faysal Akif Misqal Al-Fayez basshılıǵındaǵı delegaciyanıń Ózbekstanǵa rásmiy saparın shólkemlestiriw máseleleri dodalandı.
Sapar etiw sheńberinde eki mámleket Senatları arasında parlamentleraralıq birge islesiw haqqındaǵı memorandumǵa qol qoyıw rejelestirilgeni atap ótildi.
Mámleketler arasındaǵı medicina, atap aytqanda, sanlı medicinanı rawajlandırıw, joqarı bilimlendiriw, texnologiyalar tarawındaǵı birge islesiw jáne Iordaniya hám Ózbekstan birinshi biznes-forumın shólkemlestiriw boyınsha da pikir alısıldı.

N.Abduraimova,
ÓzA