Oliy Majlis Nızamshılıq palatasınıń májilisinde “Qorǵaw jumısınıń jetilistiriliwi múnásibeti menen Ózbekstan Respublikasınıń ayırım nızam hújjetlerine qosımshalar hám ózgerisler kirgiziw haqqında”ǵı nızam joybarı ekinshi oqıwda kórip shıǵıldı.
Atap ótilgenindey, bul nızam joybarı menen Hákimshilik juwapkershilik haqqındaǵı kodekske kirgizilip atırǵan ózgerisler sheńberinde hákimshilik jumıslardı kórip shıǵıw hám jaza qollanıwǵa baylanıslı wákillikler Ishki isler ministrligi janındaǵı qorǵaw bólimleriniń tiyisli lawazımlı shaxslarına berilmekte.
“Ishki isler uyımları haqqında”ǵı, “Ózbekstan Respublikası Milliy gvardiyası haqqında”ǵı, “Licenziyalaw, ruqsat beriw hám xabardar etiw tártip-qaǵıydaları haqqında”ǵı jáne “Qorǵaw jumısı haqqında”ǵı nızamlarǵa kirgizilip atırǵan ózgerisler arqalı qorǵaw jumısı tarawında Ishki isler ministrligi hám Milliy gvardiyanıń wákillikleri shegarası anıq belgilenbekte.
Hújjet deputatlar tárepinen bildirilgen pikir-usınıslar tiykarında jetilistirildi. Atap aytqanda, Xalıqaralıq isler, qorǵanıw hám qáwipsizlik máseleleri komiteti juwapkershiliginde jumısshı topar májilislerinde hár tárepleme dodalanıp, normalardı anıqlastırıwǵa, ámeldegi nızamshılıqqa muwapıqlastırıwǵa qaratılǵan bir qatar ózgerisler kirgizildi.
Atap ótilgenindey, joybarda belgilenetuǵın normalar qorǵaw jumısınıń huqıqıy tiykarların bunnan bılay da bekkemlewge xızmet etedi.

Muhtarama Komilova, ÓzA