Birlesken Arab Ámirlikleri Prezidenti Shayx Muhammad bin Zoid Ol Nahayon Ózbekstan Respublikasınıń usı arab mámleketindegi elshisi Abdulaziz Oqqulovtı mámlekettegi elshilik jumısınıń juwmaqlanıwı múnásibeti menen Birinshi dárejeli “Mustaqillik” ordeni menen sıylıqladı. Bul haqqında “Gulf Today” basılımı xabar bergen.
Joqarı sıylıqtı mámleket Sırtqı isler ministrliginde bolıp ótken ushırasıwda Mámleketlik ministr Said bin Muborak Al-Hajriy tapsırdı. Qızǵın sóylesiw waqtında ministr BAÁ Ózbekstan menen barlıq tarawlarda qatnasıqlardı bekkemlewge sadıq ekenin jáne bir márte tastıyıqladı.
Sonday-aq, Al-Hajriy elshige aldaǵı jumısında tabıslar tilep, onıń wákilligi sheńberinde eki tárepleme qatnasıqlardı rawajlandırıwdaǵı ornın joqarı bahaladı.
Óz gezeginde, Aqqulov Prezident Shayx Muhammad bin Zoid Ol Nahayonǵa tereń minnetdarshılıq bildirip, BAÁ basshılıǵı mámlekettiń dúnya kólemindegi abırayın bekkemlewge isenimli umtılıp atırǵanın sáwlelendiretuǵın rawajlanıw hám jetiskenliklerdi tán aldı.
Ushırasıw juwmaǵında diplomatımız óz-ara baylanıslardı bekkemlew missiyasınıń tabısına úles qosqan birge islesiw ushın húkimet quramındaǵı barlıq uyımlarǵa minnetdarshılıq bildirdi.

Ó.Alimov, ÓzA