Ózbekstan Respublikası Prezidenti Administraciyası basshısınıń bilimlendiriwdi reformalaw boyınsha orınbasarı Hilola Umarova “Prezident talantlı perzentleri” Milliy baǵdarlamasınıń aymaqlıq Bas keńesgóyleri menen ushırastı.
Onda usı jılı Milliy baǵdarlamada belgilep berilgen wazıypalardıń orınlanıwı hám keleshektegi rejeler haqqında sóz boldı. Sonday-aq, bul Baǵdarlama sheńberinde islep shıǵılǵan jańa platformanıń prezentaciyası da ótkerildi.
Sóylesiw dawamında “Renessans” balalar dem alıw orayında Baǵdarlama qatnasıwshıları ushın shólkemlestirilgen oqıw shınıǵıwlarınıń nátiyjeleri, islenip atırǵan jumıslar, ámelge asırılıp atırǵan joybarlar da dodalandı.
Usı kúnlerde paytaxtımızda “Prezident talantlı perzentleri” Milliy baǵdarlamasın ámelge asırıwda Bas keńesgóylerdiń roli” temasında oqıw seminarları bolıp ótpekte.
Onda oqıwshılar portfelin jaratıw, sırt el universitetlerin izlew hám tallaw, grantlar hám stipendiyalarǵa arza beriw boyınsha ámeliy sabaqlar shólkemlestirildi.
“Prezidenttiń talantlı perzentleri” Milliy baǵdarlaması mámleketimizde insan kapitalın rawajlandırıw, talantlı jaslardı erte anıqlaw hám globallıq miynet bazarında básekige shıdamlı bolǵan joqarı tájiriybeli qánigeler tayarlaw sıyaqlı maqsetlerdi gózlewi menen áhmiyetli.

ÓzA