FIFA nıń “Football for schools” baǵdarlaması tiykarında Nókis qalasındaǵı 24-sanlı ulıwma orta bilim beriw mektebine futbol topları tapsırıldı.
Ilaj Qaraqalpaqstan futbol associaciyasınıń qánigeleri basshılıǵında ótkerildi.
– Bul ilaj jas áwlad arasında salamat turmıs tárizin úgit-násiyatlaw hám olardıń futbolǵa qızıǵıwshılıǵın jáne de arttırıwǵa qaratılǵan, -deydi Qaraqalpaqstan futbol associaciyası vice-prezidenti Ishak Ibragimov. – Ótken jılı bul baǵdarlama tiykarında kóplegen rayonlardaǵı futbol oynawǵa qızıǵıwshı mektep oqıwshılarına zárúrli futbol ánjamları tapsırıldı hám bul jumıslar bıyılǵı jılı da dawam etedi.
Álbette, futbolǵa qızıǵıwshı jaslaramızdı qollap-quwatlawǵa qaratılǵan bunday baǵdarlamalar aldaǵı waqıtları da dawam etip, bul óziniń unamlı nátiyjesin beretuǵınlıǵına bekkem isenemiz.

Adilbay Orazov,
Qaraqalpaqstan xabar agentligi sholıwshısı