Irannıń “Mehr” málimleme agentliginiń xabar beriwinshe, mámleketlik sud uyımları ayırım sırt el ǵalaba xabar qurallarında narazılıq kóterilislerinde 12 mıńnan aslam adam qurban bolǵanı haqqındaǵı xabarlardı biykarladı.
– “Mossad” (Izrail razvedka xızmeti – redakciya) málimleme agentlikleri tárepinen Iranda jaqında júz bergen terrorshılıq hújimi qurbanlarınıń sanı qálbekilestirilgen, – delingen bildiriwde. – Marhumlardıń denesine jazılǵan nomerler seriya emes, al jerlew ushın ruqsatnama nomeri bolıp tabıladı.
Bul Islam Respublikasında demonstraciya 2025-jıl dekabr ayınıń aqırında jergilikli valyuta – rial qádirsizleniwiniń artınan baslandı. 8-yanvardan baslap, 1979-jıl awdarılǵan Iran shaxınıń balası Rizo Pahlavidiń shaqırıǵınan keyin narazılıq júrisleri kúsheydi. Sol kúni internet óshirildi. Bir neshe iri qalalarda demonstraciya policiya menen soqlıǵısıwǵa aylanıp, siyasiy sistemasına qarsı súrenlerge aylandı.
Qáwipsizlik kúshleri hám kóterilisshiler arasında qurbanlar bar ekenligi haqqında xabar berilgen. Iran rásmiyleri AQSh hám Izraildi tártipsizlikti uyımlastırıwda ayıplap, 12-yanvar kúni jaǵday qadaǵalawǵa alınǵanın járiyaladı.

S.Rahimov, ÓzA