Mámleketimizdiń birinshi nomerli grossmeysteri 13-15-fevral kúnleri Germaniyanıń Veyssenxausı ótkeriletuǵın FIDE Freestyle Chess jáhán chempionatınıń tańlap alıw turniriniń jeńimpazı boldı.
Onlayn túrde ótken eki kúnlik bul turnirde birinshi kúni Abdusattorov 9 imkaniyattan 7 upay toplaǵan halda qosımsha kórsetkishler boyınsha 1-orın menen tańlap alıwdıń final basqıshına jol alǵan edi.
Sońınan Nodirbek dáslep 1/2 finalda iranlı Amin Tabatabayini 1,5:0,5 esabında, final ushırasıwında bolsa hindstanlı grossmeyster Pranawdı hár eki partiyada jeńip shıǵıp, tańlap alıw basqıshınıń jeńimpazı sıpatında FIDE tárepinen shaxmat boyınsha Jáhán chempionatına jollamanı qolǵa kirgizdi.
Solay etip, Jáhán chempionatınıń barlıq segiz qatnasıwshısı anıqlandı. Bunnan aldın norvegiyalı Magnus Karlsen, AQShlı Levon Aronyan, Fabiano Karuana, Hans Niemann, germaniyalı Vinsent Keymer, hindstanlı Arjun Ergaisi hám jerlesimiz, ótken jılǵı Jáhán kubogi jeńimpazı Javohir Sindarov FIDE Freestyle Chess Jáhán chempionatı qatnasıwshısına aylanǵan edi.

Qaraqalpaqstan xabar agentligi