Okean artındaǵı úsh mámlekette ótetuǵın futbol boyınsha jáhán chempionatına tayarlıq kórip atırǵan Ózbekstan milliy saylandı komandası Kanada menen doslıq ushırasıwında maydanda boladı.
Bul haqqında xabar bergen Kanada futbol associaciyası bul oyın usı jıldıń 1-iyun kúni ótkeriletuǵının járiyaladı.
Kanada-Ózbekstan futbol komandaları arasındaǵı qarama-qarsılıq Edmontondaǵı “Commonwealth” (Doslıq Awqamı) stadionında ótkeriliwi rejelestirilmekte.
Mundialǵa tayarlıqtıń bir bólegi esaplanatuǵın bul oyın haqqında pikir bildirgen Kanada bas treneri Jessi Marsh bul oyın ıqlasbentler menen jaqınlasıw hám tariyxımızdaǵı eń úlken turnir aldınan komandamızdıń oyının kórsetiw ushın ájayıp imkaniyat, dep atap ótti.

T.Rwziev, ÓzA