Xalıqaralıq miynet shólkemi (XMSh) niń boljawına bola, 2026-jılǵa barıp globallıq jumıssızlıq dárejesi 4,9 procentke jetedi.
BMSh ekspertleriniń pikirinshe, jumıssızlıq 2025-jıl dárejesinde qaladı. Basqasha aytqanda, usı jıldıń aqırına kelip shama menen 186 million adam jumıssız qaladı.
Esabatta rawajlanǵan mámleketlerde jumıs ornı 0,5 procentke kóbeyiwi, artta qalǵan mámleketlerde bolsa ósiw 3,1 procentti quraytuǵını keltirilgen. Demek, bay mámleketlerde xalıqtıń qartayıwı baqlanıp, miynetke jaramlı jastaǵı adamlar jumıs tabıwı qıyınlasadı.
Sonıń menen birge XMSh jumıs penen támiyinleniw barlıq waqıtta da jaqsı dáramat bermeytuǵının atap ótedi. Yaǵnıy, dúnya boylap shama menen 300 million adam oǵada kámbaǵal jasaydı hám kúnine 3 dollardan az pul tabadı. Afrika hám Latın Amerikasındaǵı júdá kóp úlkelerde xalıqtıń yarımınan kóbi rásmiy emes isleydi.

G.Sattorova, ÓzA