AQSh Prezidenti “Reuters” agentligine bergen intervyuinde Ukraina Rossiya menen tınıshlıq kelisimine qol qoyıw procesin toqtatıp atırǵanın ayttı. Onıń pikirinshe, Vladimir Putin derlik tórt jıllıq urıstı saplastırıwǵa tayar, biraq Zelenskiy razı emes.
Tramptıń bul sózleri Evropadaǵı awqamlaslarınıń kózqarasınan keskin parıqlanadı. Ol Putindi isenimli, dep bahalap, Kiev jetekshisi sóylesiwde qıyınshılıqqa dus kelip atırǵanın atap ótti.
AQSh qáwenderligindegi sóylesiw urıstan keyin Kievke qáwipsizlik kepilligin támiyinlewge qaratılǵan. RF hám AQSh Ukrainanı shıǵıs Donbass aymaǵınan shıǵıwǵa shaqırıp, Moskva menen kelisimdi tezlestiriwge háreket etpekte.
Tramp Davostaǵı Jáhán ekonomikalıq forumı sheńberinde Zelenskiy menen ushırasıwı múmkin ekenin málim etken, biraq anıq reje ele joq ekenin bildirgen.
Ekspertlerdiń pikirinshe, Amerika basshısı házir iyelep turǵan poziciya Putinniń diplomatiyalıq imkaniyatın arttıradı hám Ukraina boyınsha sóylesiwdi jedellestiriwi múmkin. Kievtiń qatańlıǵı bolsa urıstıń dawam etiwine sebep bolıw itimalı bar.
Tramptıń túsinigi tek ǵana siyasiy emes, al strategiyalıq kózqaras sıpatında da bahalanbaqta. Yaǵnıy, ol dúnya itibarın Ukrainaǵa, tınıshlıq sóylesiwleri boyınsha shıǵarılatuǵın qararlardıń orayına qaratıp atırǵanına itibar berilmekte.

Musulmon Ziyo, ÓzA