15-yanvar sánesinen baslap mámleketimizdiń barlıq aymaqlarında xalıqtı hám awıl xojalıǵın dizimge alıw isleri baslap jiberildi.
Oǵan respublikamızdıń barlıq ministrlik, qala, rayon, mákeme-shólkem, oqıw orınları basshıları, xızmetkerleri hám student jasları belsene qatnaspaqta.
Ásirese, bul áhmiyetli ilajǵa Ózbekstan máhálleleri assosaciyası Qaraqalpaqstan Respublikası basqarması xızmetkerleri de belsene qatnasıp, belgilengen tártipte onlayn dizimnen ótpekte.
– Bul processlerde belsene qatnasıw xalıqtıń máplerin qorǵaw, aymaqlardıń rawajlanıwı ushın áhmiyetli statistikalıq maǵlıwmatlardı qáliplestiriwge xızmet etedi, – deydi Ózbekstan máhálleleri assosaciyası Qaraqalpaqstan Respublikası basqarması baslıǵı Saǵındıq Turmanov. – Dizimge alıw nátiyjeleri tiykarında sociallıq-ekonomikalıq baǵdarlamalar islep shıǵılıp, ámeliyatqa engiziledi. Sonlıqtan, hár bir puqaranıń dizimge alıw processlerinde qatnasıwı úlken áhmiyetke iye.
Házirgi waqıtları respublikamızdıń barlıq aymaqlarında xalıqtı hám awıl xojalıǵın dizimge alıw ilajları shólkemleskenlik penen alıp barılmaqta.

Adilbay Orazov,
Qaraqalpaqstan xabar agentligi sholıwshısı