Prezident Shavkat Mirziyoevtiń basshılıǵında videoselektor májilisi dawam etpekte.
Mámleketimiz basshısı sırtqı siyasat baǵdarında 2025-jıl kóp tárepleme nátiyjeli bolǵanın atap ótti.
Atap aytqanda, ótken jılı 26 sırt mámleketke joqarı dárejedegi saparlar ámelge asırıldı. Jańa tariyxımızda birinshi márte Bolgariya, Finlyandiya, Slovakiya, Serbiya, Iordaniya hám Paragvay basshılarınıń Ózbekstanǵa saparları shólkemlestirildi.
“Oraylıq Aziya plyus” formatındaǵı kóp tárepleme sóylesiwler nátiyjeli boldı.
Keyingi jıllarda 11 mámleket penen strategiyalıq sheriklik qatnasıqları ornatılıp, olardıń ulıwma sanı 19 ǵa jetti. Qazaqstan, Ázerbayjan, Tájikstan menen awqamlaslıq qatnasıqları jolǵa qoyıldı.
– Ashıq, pragmatikalıq, puqta oylanǵan hám intaker sırtqı siyasatımız nátiyjesinde Ózbekstan globallıq tınıshlıq hám diplomatiya oraylarınan birine aylanıp barmaqta,-dedi Prezidentimiz.
Sırt mámleketlerde 2017-jıldan berli 16 jańa diplomatiyalıq hám konsullıq wákilxana ashılıp, olardıń sanı 60, diplomatiyalıq baylanıs ornatılǵan mámleketlerdiń sanı bolsa 165 ke jetti.

ÓzA