Puqara Kegeyli rayonı diyqan bazarı aymaǵında jaylasqan turmıslıq texnika sawda dúkanınan 6 million sumǵa bólip tólew shárti menen televizor satıp alǵan.
Biraq, bir ay ótpey-aq, televizor nasaz halǵa kelip qalǵan. Puqara jaǵday boyınsha satıwshıǵa múrájat etken, biraq máseleni tez kúnlerde sheshiwge wáde bergen juwapkerlerden ún shıqpaǵan. Soń puqara Kegeyli rayonı tutınıwshılardıń huqıqların qorǵaw jámiyetiniń qánigelerine múrájat etken.
Tutınıwshılardıń huqıqların qorǵaw jámiyeti bul jaǵdayǵa aralasıp, ótkerilgen úyreniwler nátiyjesinde satıwshı tárepinen tutınıwshınıń huqıqları qopal túrde buzılǵanı anıqlandı. Jámiyettiń aralasıwı nátiyjesinde, aqır-ayaǵında, tutınıwshınıń buzılǵan huqıqı tiklenip, nasaz bolǵan televizor jańasına almastırıldı.

Qaraqalpaqstan xabar agentligi