15-yanvar kúni saat 00:00 den Ózbekstanda xalıq hám awıl xojalıǵın dizimge alıw ilajınıń birinshi basqıshı rásmiy túrde baslandı.
Bul basqısh sheńberinde 17 kún dawamında puqaralar census.stat.uz rásmiy veb-saytı arqalı OneID sisteması járdeminde onlayn dizimnen ótiwi múmkin.
Onlayn dizimnen ótiw procesi Ózbekstan puqaraları, sonday-aq, sırt elde waqtınsha bolıp turǵan watanlaslarımız ushın da bar bolıp, olar qálegen jerde birden-bir identifikaciya sisteması arqalı dizimnen ótiw imkaniyatına iye.
Onlayn dizimnen ótiw tártibi boyınsha videoqollanba tómendegi silteme arqalı usınıs etilgen: https://www.youtube.com/watch?v=emOwotRVK4c&t=224s
Sonday-aq, onlayn dizimnen ótken puqaralar arasınan tosınnan tańlap alınıp, qımbat bahalı sawǵalar oyınǵa shıǵarıp beriledi.
Barlıq puqaralardı xalıq hám awıl xojalıǵın dizimge alıw ilajında belsene qatnasıwǵa shaqıramız.

Qaraqalpaqstan xabar agentligi