Qubla Koreyada arnawlı prokurorlar toparı 2024-jıl dekabrdegi áskeriy jaǵday boyınsha burınǵı prezident Yun Sok Yolǵa ólim jazasın beriwdi talap etti, dep xabar bermekte “Yonhap” málimleme agentligi.
Atap ótiliwinshe, juwmaqlawshı sud májilisi Seul oraylıq okruglik sudında bolıp ótti.
Úlke prokuraturası burınǵı prezidentti sud hám nızamshılıq tarmaqları ústinen qadaǵalawdı qolǵa kirgiziw arqalı hákimiyattı saqlap qalıwǵa urınǵan mámleketlik awdarıspaqqa basshılıq etkenlikte ayıplamaqta.
Maǵlıwmat ornında: 2024-jıl dekabrde Yun Sok Yol “KXDR tárepdarı bolǵan kúshlerdi joq etiw” zárúrligin aytıp, mámlekette áskeriy jaǵday járiyaladı. Biraq bir neshe saattan keyin parlament áskeriy jaǵdaydı biykarladı hám deputatlar prezidentke impichment járiyalaw ushın dawıs berdi. Bunnan keyin, Yun Sok Yol hákimiyattan shetletildi hám qamaqqa alındı.

G.Sattorova, ÓzA