Húrmetli Watan qorǵawshıları!

Qádirli Watanlaslar!

Sizlerdi, sizler arqalı pútkil xalqımızdı Ózbekstan Respublikası Qurallı Kúshleri shólkemlestirilgenliginiń 34 jıllıǵı hám Watan qorǵawshıları kúni múnásibeti menen shın júrekten qutlıqlaymız.
Bársheni dóretiwshilik islerge ruwxlandıratuǵın biybaha baylıǵımız – bul elimizdiń tınıshlıǵı, milletler aralıq doslıq hám xalqımızdıń abadan turmısı bolıp tabıladı.
Solay eken, ata-babalarımızdan bizge miyras bolıp kiyatırǵan Ana-Watanımızdı qásterlep-saqlaw, elimizdiń tınıshlıǵın támiyinlewde siz pidayı insanlardıń miynetlerińiz ayrıqsha.
Biz sizlerdiń tımsalıńızda milliy armiyamızǵa tawday tayanısh bolıp turǵan ullı ruwxıy kúshti kóremiz.
Áskeriy tarawdı rawajlandırıw, onıń kúsh-qudiretin arttırıw baǵdarındaǵı jumıslar, xalqımız tınıshlıǵın qorǵawdaǵı iygilikli isler “Xalıq penen armiya – bir pútin” degen ullı ideyanı ámelde támiyinlewge xızmet etpekte.
Húrmetli Watan qorǵawshıları!
Sizlerdi jáne bir márte Ózbekstan Respublikası Qurallı Kúshleri dúzilgenliginiń 34 jıllıǵı hámde Watan qorǵawshıları kúni múnásibeti menen qutlıqlap, elimiz abadan, aspanımız ashıq, tınıshlıǵımız mángi bolıwın tilep qalamız.

Amanbay Orınbaev
Qaraqalpaqstan Respublikası Joqarǵı Keńesiniń Baslıǵı