Qaraqalpaqstan Respublikası Pedagogikalıq sheberlik orayında xalıqaralıq izertlewler sheńberinde oqıw sawatlılıǵın rawajlandırıwǵa qaratılǵan trening sabaqları baslandı.
Bul trening xalıqaralıq izertlewlerdiń nátiyjeleri hám bilimlendiriwdiń sapasın arttırıwǵa qaratılǵan zamanagóy pedagogikalıq qatnaslar tiykarında shólkemlestirilip, ulıwma orta bilim beriw mákemelerinde oqıwshılardıń tekstti sanalı oqıwı, mazmunın tereń ańlawı hám tallawı boyınsha kompetenciyaların rawajlandırıwǵa baǵdarlanǵan.
Trening sabaqlarında ulıwma orta bilim beriw mektepleri direktorlarınıń orınbasarları, baslawısh bilimlendiriw baǵdarı qánigeleri hám tarawǵa baylanıslı ekspertler qatnaspaqta.
Sabaqlar dawamında xalıqaralıq izertlewlerdiń maqseti hám wazıypaları, oqıw sawatlılıǵınıń teoriyalıq hám ámeliy tiykarları, dálillerge tiykarlanǵan didaktikalıq qatnaslar, sonday-aq, baspa hám sanlı tekstlerdi oqıp túsiniw kónlikpelerin rawajlandırıwǵa qaratılǵan nátiyjeli pedagogikalıq usıllar boyınsha bayanatlar hám ámeliy sabaqlar ótkerilmekte.
Maǵlıwmat ushın, trening sabaqları usı jıldıń 16-yanvar sánesine shekem dawam etedi.

Qaraqalpaqstan xabar agenligi