Paytaxtımızda Koreya Respublikası ıssılıq támiynatı kompaniyaları menen túrli joybarlar sheńberinde birgelikte jumıs alıp barılmaqta.
Atap aytqanda, Koreya oraylıq ıssılıq támiynatı korporaciyası (KDHC) hám KOTRA menen belsene birge islesip kelinbekte. Búgin usı kompaniyalardıń wákilleri “Íssılıq támiynatı” AJ juwapkerleri menen ushırasıp, aldaǵı ilajlar rejesin dodaladı.
Ushırasıwda tiykarǵı itibar biomassa tiykarında oraylasqan ıssılıq energiyasın islep shıǵarıw, bar biomassa resursları, sonıń ishinde, awıl xojalıǵı ónimleriniń qaldıqlarınan paydalanǵan halda oraylasqan ıssılıq támiynatın jolǵa qoyıwdıń ámeliy usıllarına qaratıldı.
Sonday-aq, oraylasqan ıssılıq támiynatı joq aymaqlar ushın ısıtıw sheshimleri, sonıń ishinde, quyash energiyası, ıssılıq nasosları hám tiyisli texnologiyalardı qollanıp ısıtıwdı támiyinlew imkaniyatları da kórip shıǵıldı.
Koreya oraylıq ıssılıq támiynatı korporaciyası (KDHC) hám KOTRA wákilleri wálayatlarǵa barıp, bar imkaniyat hám resurslar menen tanısadı.

Sh.Mamaturopova, ÓzA