Qaraózek rayonı «Insan» sociallıq xızmetler orayı tárepinen xalıqtı sociallıq qollap-quwatlaw, máhállede kompleks sociallıq xızmetler kórsetiwshi qánigelerdiń jumısı ushın zárúr sharayatlardı jaratıw jolında ámeliy jumıslar dawam ettirilmekte.
Atap aytqanda, xalıqqa xızmet kórsetiw processlerin sanlastırıw, jumıs nátiyjeliligin arttırıw hám qánigelerdi zamanagóy texnika quralları menen támiyinlew maqsetinde, Qaraózek rayon hákimligi tárepinen máhállelerdegi sociallıq xızmet kórsetiwshi 9 xızmetkerge 9 zamanagóy kompyuter tapsırıldı.
Onda rayon hákimi Anvar Baymuratov qatnasıp, sońǵı jılları elimizde Prezidentimiz basshılıǵında alıp barılıp atırǵan reformalar hám unamlı nátiyjeleri haqqında aytıp, bul jumıslardı ele de dawam ettiriw hám xalıqtıń razılıǵına erisiw záúrligin ayrıqsha atap ótti.
Álbette, «Insan» sociallıq xızmetler orayı xızmetkerlerine jaratılıp atırǵan bunday qolaylı sharayatlar, olardıń hújjetler menen islesiwdi jedel hám sapalı ámelge asırıw, xalıqtıń múrájatların óz waqtında kórip shıǵıw hám hár bir mútáj shańaraqqa mánzilli járdem kórsetiwge xızmet etedi.

Qaraqalpaqstan xabar agentligi