Belgiyanıń Ózbekstandaǵı elshisi Erik de Mayer Sırtqı isler ministri Baxtiyor Saidovqa isenim jarlıqların tapsırdı. Bul haqqında SIM basshısı óziniń Telegram kanalında xabar berdi.
Málim etiliwinshe, ushırasıw dawamında eki tárepleme qatnasıqlarǵa baylanıslı keń kólemli máseleler dodalanǵan. Ózbekstan hám Belgiya arasında sawda, investiciyalar hám biznes tarawındaǵı birge islesiwdi jáne de rawajlandırıw, sonday-aq, ámeliy ekonomikalıq baylanıslardı keńeytiw áhmiyetli ekenligi atap ótilgen.
“Elshi mırzaǵa mámleketimizdegi jumısında tabıslar tileymiz,” dep jazadı Baxtiyor Saidov.

Qaraqalpaqstan xabar agentligi