Búgin COMEX xalıqaralıq birjasında altınnıń bir unciyası 4600 dollardan astı, dep xabar bermekte “Reuters” málimleme agentligi.
Atap ótiliwinshe, bul kórsetkishke bir neshe faktorlar, sonıń ishinde, Qurama Shtatlarda Federal rezerv bankiniń baslıǵı Jerom Pauellge jınayat isiniń ashılıwı, Irandaǵı narazılıq kóterilisleri, sonday-aq, Aq úy basshısınıń aldınnan boljap bolmaytuǵın bayanatları tásir etken.
Ekonomistlerdiń pikirinshe, altın bahası keleshekte ózgeriwsheń bolsa-da, uzaq múddette jańa rekord dárejelerge – 5000 dollar hám onnan joqarıǵa jetiwi múmkin.
Altın menen bir waqıtta basqa qımbat bahalı metallardıń bahası da keskin kóteriledi. Atap aytqanda, gúmis hám platina bahası 4 procentten kóbirekke artqan, palladiyde de sezilerli ósiw baqlandı.
Maǵlıwmat ornında: 2025-jılı altın bahası 64,4 procent, gúmis bolsa 141,4 procentke artqan. Bul ósimge procent stavkalarınıń tómenlewi, planetamızda geosiyasiy keskinliktiń kúsheyiwi hám AQSh dollarına isenimniń tómenlewi tásir etken.

Ó.Alimov, ÓzA