2026-jıldıń aqırına kelip BAÁniń Dubay qalasında finanslıq operaciyalardıń 90 procenti sanlı túrde ámelge asırıladı, bul bolsa ekonomikalıq ósiwdi jılına 8 milliard dollardan zıyatqa arttırıwı múmkin, dep jazbaqta “Time out Dubai” basılımı.
Atap ótiliwinshe, Ámirlikte naq pulsız tólemlerge ótiw strategiyası birinshi márte 2024-jıl oktyabrde járiyalanǵan. Bul rejeni ámelge asırıw quralları bank hám basqa da qosımshalar, kartalar hám keleshekte sanlı tólemlerde jasalma intellektke tiykarlanǵan innovaciyalardı óz ishine aladı.
Qalada dúkanlardıń 100 procenti sanlı tólemlerdi qabıl etiwi hám jergilikli xalıq tolıq sanlı tólemlerdi ámelge asırıw imkaniyatına iye bolıwı rejelestirilgen.
Dubay hákimshiligi sonday-aq, qala xalqına finanslıq texnologiyalar boyınsha bir qatar xızmetlerdi usınıs etpekshi ekenin málim etti.

Ó.Alimov, ÓzA