Ádillik ministrligi tárepinen “Notariuslar tárepinen neke shártnamaların tastıyıqlaw tártibi haqqında”ǵı reje mámleketlik dizimnen ótkerildi.
Jańa tártipke bola:
Rásmiylestiriw túrleri: Neke shártnaması notarial uyım imaratında, videokonferencbaylanıs arqalı yamasa múrájat etiwshilerdiń qálewine bola kóshpeli tártipte rásmiylestiriliwi múmkin.
Múrájat etiw: Puqaralar notarial uyımǵa jeke kelip yamasa aralıqtan turıp My.gov.uz portalı hám E-notarius.uz málimleme sisteması arqalı arza beriwi múmkin.
Notarius minnetlemeleri: Shártnamanı tastıyıqlaw procesinde táreplerdiń neke jasına jetkenligi, nekede bar yaki joqlıǵı hám aldın bunday shártnama dúzilmegenligi qatań tekseriledi.
Qol qoyıw tártibi: Tólemler ámelge asırılıp, joybar tayarlanǵannan soń, tárepler notarius janında jeke ózi qatnasıp, hújjetke qol qoyadı.
Bul jańalıq tarawda sanlastırıw kólemin keńeytiw hám puqaralarǵa qolaylıq jaratıwǵa xızmet etedi, delinedi xabarda,-dep málimleme beredi xabar.uz saytı.

Qaraqalpaqstan xabar agentligi