Nızamshılıqqa bola, 3 jasqa tolmaǵan balanıń byudjet shólkemlerinde isleytuǵın anasına háptesine 35 saattan aspaǵan jumıs waqtı belgilenedi hám bunda miynet haqı azaytılmaydı.
Bunday jaǵdaylarda byudjetten qarjılandırılmaytuǵın jumıs beriwshilerde isleytuǵın ata-analardan birine, qáwenderine qısqartılǵan jumıs waqtınıń dawamlılıǵı jámáátlik kelisimlerde, sonday-aq, jámáátlik shártnamada yamasa jumıs beriwshi tárepinen kásiplik awqamı komiteti menen kelisilgen halda qabıl etiletuǵın ishki hújjetlerde belgilenetuǵını múmkin.
Jumıs beriwshi hámiledar hayaldıń, 14 jasqa tolmaǵan balanıń (16 jasqa tolmaǵan mayıplıǵı bolǵan balanıń) anasınıń ótinishi boyınsha medicinalıq juwmaq tiykarında tolıq emes jumıs waqtın belgilewge májbúr.
16 jasqa tolmaǵan mayıplıǵı bolǵan balanı tárbiyalap atırǵan anaǵa ayına qosımsha bir dem alıs kúni berilip, mámleketlik sociallıq qamsızlandırıw qarjıları esabınan usı waqıt ushın bir kúnlik miynet haqı muǵdarında napaqa tólenedi,-dep málimleme beredi xabar.uz saytı.

Qaraqalpaqstan xabar agentligi