Qaraqalpaqstan Respublikası Ministrler Keńesinde puqaralıq jámiyeti institutlarınıń qatnasıwında ushırasıw bolıp ótti. Onda Ministrler Keńesiniń Baslıǵı Farxod Ermanov qatnastı.

Ushırasıwda mámleketlik hám jámiyetlik, mámleketlik emes kommerciyalıq emes shólkemler, ǵalaba xabar quralları, ilimiy toparlar hám ekspertlerdiń wákilleri qatnasıp, “Ózbekstan – 2030” strategiyasında belgilengen tiykarǵı baǵdarlardı turmısqa engiziw, olardı zaman talaplarına say túrde jetilistiriw máseleleri hár tárepleme dodalandı.
Dodalawlar procesinde “Ózbekstan – 2030” strategiyasınıń sociallıq-ekonomikalıq rawajlanıw, insan kapitalın arttırıw, sanlı transformaciya, jasıl ekonomika, nátiyjeli mámleketlik basqarıw hám puqaralıq jámiyetiniń rolin kúsheytiwge qaratılǵan máselelerge ayrıqsha itibar qaratılıp, strategiyanıń orınlanıwın támiyinlewde jámiyetlik qadaǵalawdı kúsheytiw, ashıq-aydınlıq principlerin bunnan bılay da bekkemlew boyınsha pikir-usınıslar bildirildi.
Ilajda atap ótilgenindey, puqaralıq institutların strategiyalıq hújjetlerdi islep shıǵıwǵa hám ámelge asırıw processlerine keńnen tartıw, xalıqtıń máplerin esapqa alǵan halda qararlar qabıl etiw nátiyjeliligin arttırıwǵa xızmet etedi.

Qaraqalpaqstan xabar agentligi