Endi ekologiyalıq kategoriyası anıqlanǵan avtotransport quralına ekologiyalıq stiker alıw ushın JPX uyımlarına barıw shárt emes. Onı aralıqtan, my.gov.uz arqalı alsańız boladı.

Bunıń ushın my.gov.uz portalına yamasa mobil qosımshasına kirip, izlew qatarına “Ekologiyalıq stiker” dep jazıń yamasa “Transport” bóliminen “Avtotransport quralına ekologiyalıq stiker alıw” xızmetin tańlań.
Maǵlıwmatlar avtomatikalıq túrde qáliplesedi, siz tek ǵana arzanı tastıyıqlaysız.
Tayar stiker 10 kún ishinde úyińizge jetkerip beriledi.
Stikerdiń ózi hám arza tapsırıw biypul. Tek ǵana pochta arqalı úyge jetkerip beriw xızmeti ushın 20 600 sum tólenedi.
Esletip ótemiz, Ózbekstanda 2026-jıl 1-yanvardan baslap “Ekologiyalıq transport” sisteması kúshke kirdi, -dep málimleme beredi xabar.uz saytı.

Qaraqalpaqstan xabar agentligi