Kúnine dúnyadaǵı 40 millionnan aslam adam densawlıqqa baylanıslı sorawlar menen ChatGPT chat-botına múrájat etedi. Bul maǵlıwmat chat-bottı islep shıqqan kompaniya – OpenAI izertlewinde júzege shıqtı, dep xabar berdi Axios.

Izertlewshiler 1 042 úlken jastaǵı amerikalıqlar arasında sorawnama ótkerdi.
Atap ótiliwinshe, chat-botqa kelip túsip atırǵan barlıq sorawlardıń 5 procentten aslamı densawlıqtı saqlaw tarawına baylanıslı.
Kópshilik amerikalılar jasalma intellektten medicinalıq qamsızlandırıwlardı salıstırıw hám xızmetler ushın tólewde járdem soraydı. Ádette kóplegen emlew mákemeleri jabıq waqtında bunday múrájatlar kóbeyedi.
Sońǵı úsh ayda amerikalı respondentlerdiń 55 procenti kesellik belgilerin tekseriw hám úyreniw, 48 procenti bolsa medicina atamaları hám shıpakerdiń usınıslarına anıqlıq kirgiziw ushın jasalma intellektten paydalanǵan. Bunnan tısqarı, respondentlerdiń 44 procenti emleniw jolların sorap, ChatGPT menen baylanısqan.
Xabarda aytılıwınsha, AQSh densawlıqtı saqlaw sisteması quramalı, bir qarar qabıl etiw ushın amerikalılarǵa kóp qosımsha maǵlıwmatlar kerek boladı, – dep málimleme beredi xabar.uz saytı.

Qaraqalpaqstan xabar agentligi