Tiyisli nızam joybarı menen Hákimshilik juwapkershilik haqqındaǵı kodekste Suw basseynlerinde qáwipsizlik qaǵıydaların buzǵanı ushın juwapkershilik belgilenbekte (HJhK 2042-statya menen tolıqtırılmaqta).

Oǵan bola, suw basseynlerinde qáwipsizlik qaǵıydaların buzıw, yaǵnıy akvatoriyalarda plyajlardı úskenelew hám olardan paydalanıw, puqaralardıń densawlıǵın qorǵaw, sonıń ishinde suwda ǵalabalıq dem alıw orınlarında xalıqtıń qáwipsizligin hám suw basseynlerinde qáwipsizlikti támiyinlew qaǵıydalarına ámel etpew, sonday-aq, shomılıw qadaǵan etilgen aymaqta shomılıw – puqaralarǵa BEMniń 1 esesi, lawazımlı shaxslarǵa bolsa 3 esesi muǵdarında járiyma salıwǵa sebep boladı.
Tap usınday háreketler hákimshilik jaza sharası qollanılǵannan keyin bir jıl dawamında qaytadan islengen jaǵdayda bolsa puqaralarǵa BEMniń 3 esesi, lawazımlı shaxslarǵa bolsa 5 esesi muǵdarında járiyma qollanıw usınıs etilmekte,- dep málimleme beredi xabar.uz saytı.

Qaraqalpaqstan xabar agentligi