Ádillik ministrligi tárepinen “Jámiyetlik áhmiyetke iye shólkemler kategoriyasına kirgiziw normaları, olardıń qarjı esabatları hám auditine qoyılatuǵın talaplar jáne Jámiyetlik áhmiyetke iye shólkemler reestrin qáliplestiriw hám júrgiziw tártibi haqqındaǵı rejeni tastıyıqlaw haqqında”ǵı qarar mámleketlik dizimnen ótkerildi.

Bul hújjet penen joqarı sociallıq hám ekonomikalıq tásirge iye iri kommerciyalıq shólkemler tárepinen jıllıq qarjı esabatların Qarjı esabattıń xalıqaralıq standartlarına (QEXS) muwapıq usınıw talabı jeńillestirildi.
Jámiyetlik áhmyietke iye shólkemler sıpatında tómendegiler belgilenbekte:
– Akciyaları ǵalabalıq sawdalarǵa shıǵarılatuǵın shólkemler;
– Kommerciyalıq bankler, mikroqarjı bankleri, mikroqarjı shólkemleri, faktoring shólkemleri, ipotekanı qayta qarjılandırıw shólkemleri hám kepillikler beriw shólkemleri, tólem sisteması operatorları, tólem shólkemleri;
– Investiciya fondları;
– Birjalar;
– Aktivleriniń balans bahası BEMniń 1 million esesinen artıq jáne ónim, tovarlar hám xızmetlerdi realizaciyalawdan alınǵan jıllıq sap túsim hám dividend túrindegi dáramatları birgelikte BEMniń bir million esesinen artıq bolǵan mámleket qatnasıwındaǵı kárxanalar;
– Aqırǵı 2 jıl dawamında esabat jılı juwmaqları boyınsha:
– aktivleriniń balans bahası BEMniń 1 mln esesi hám onnan artıq;
– jıllıq sap túsim BEMniń 1 mln. esesi hám onnan artıq;
– xızmetkerleriniń ortasha jıllıq sanı 500 den kem bolmaǵan shólkemler.
Endi, joqarıdaǵı kriteriyalarǵa túsetuǵın shólkemler Jámiyetlik áhmiyetke iye shólkemler reestrine kirgiziledi.
Bul Reestr Ekonomika hám qarjı ministrligi tárepinen júrgiziledi hám hár jılı 1-iyulǵa shekem Húkimet portalı birden-bir platforması hám Ashıq maǵlıwmatlar portalında járiyalanadı,- dep málimleme beredi xabar.uz saytı.

Qaraqalpaqstan xabar agentligi