Nókis rayonındaǵı Dán hám salı ilimiy-óndirislik birlespesiniń egislik maydanlarında ǵálle eginleri mısalında kórgizbeli ámeliy seminar bolıp ótti.

Onda Dán hám salı ilimiy-óndirislik birlespesiniń direktorı D.Utambetov hám awıl xojalıǵı tarawı wákilleri qatnastı.
Seminarda ǵálle tárbiyasın durıs shólkemlestiriw, ónimdarlıqtı arttırıw, jerlerdegi shordı juwıwǵa tayarlaw, suwdı únemleytuǵın texnologiyalardı engiziw, suwǵarıw tarmaqların betonlastırıw arqalı suw resurslarınan nátiyjeli paydalanıw máseleleri dodalandı.
Ilajda fermer xojalıqlarınıń basshıları, klasterlerdiń wákilleri, awıl xojalıǵı xızmetkerleri hám taraw qánigeleri dala sharayatında ámeliy usınıslar hám aldınǵı tájiriybeler menen tanıstı. Qánigeler agrotexnikalıq ilajlardı belgilengen múddetlerde sapalı ámelge asırıw boyınsha túsinikler berdi.

Qaraqalpaqstan xabar agentligi