“Mámleketlik byudjet dáramatların prognozlastırıw tártibin jetilistiriw ilajları haqqında”ǵı Prezident qararı (PQ-397-sanlı, 30.12.2025 j.) qabıl etildi. Bul haqqında “Huquqiy axborot” Telegram-kanalı xabar berdi.

Qararǵa bola, 2026-finans jılında:
– Mámleketlik byudjet dáramatları boyınsha kvartallıq prognoz kórsetkishleri Ekonomika hám qarjı ministrligi tárepinen dáramat derekleri hám aymaqlar kesiminde Ózbekstan Respublikası Prezidenti Administraciyası menen kelisilgen halda tastıyıqlanadı;
– prognoz kórsetkishleri tastıyıqlanǵannan soń 3 jumıs kúninde rayon hám qalalardıń byudjet dáramatları boyınsha dáramat derekleri jáne sherekler kesimindegi prognoz kórsetkishleri Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimleriniń qararı menen tastıyıqlanadı;
– joqarıda belgilengen dáramatlardıń prognoz kórsetkishlerine ózgerisler Ekonomika hám qarjı ministrligi tárepinen Ózbekstan Respublikası Prezidenti Administraciyası menen kelisilgen halda kirgiziliwi múmkin.
Sonday-aq, 2026-jıldan kelesi qarjı jılı ushın Mámleketlik byudjet dáramatlarınıń prognozı esap-sanaǵı Ekonomika hám qarjı ministrliginiń málimleme sisteması arqalı avtomatlastırılǵan túrde ámelge asırıladı,- delinedi xabarda,-dep málimleme beredi xs.uz saytı.

Qaraqalpaqstan xabar agentligi